Markaðsstofa höfuðborgarsvæðisins býður aðildarfélögum og vinum í morgunspjall og jólabingó, föstudaginn 13. desember kl. 08.30-10.00. Gestgjafar að þessu sinni eru Hilton Reykjavík Nordica við Suðurlandsbraut.
Áður en heppin jólabörn í hópnum hljóta vinninga í bingóinu kynnir Birgir Guðmundsson hótelstjóri Hilton Reykjavík Nordica starf hótelsins og segir frá því sem í vændum er.
Camilla Rut Rúnarsdóttir, markaðsstjóri Hopp, mín síðan spjalla um hvað fyrirtækið fæst við og hvað er á prjónunum.
Jólaandinn svífur svo yfir vötnum í skemmtilegu spjalli um það sem er fram undan á höfuðborgarsvæðinu og loks dregur til tíðinda þegar bingóið hefst og vinningarnir fljúga út.
Þeir aðildarfélagar sem geta hugsað sér að gefa vinninga í bingóinu geta sent tölvupóst á Markaðsstofu höfuðborgarsvæðisins á Margréti Wendt margret@reykjavikandpartners.is
Aðildarfélagar eru hvattir til þess að bjóða með sér félögum úr ferðaþjónustunni sem ekki hafa enn þá gerst aðilar.
Hittumst í sannkölluðu hátíðarskapi á Hilton Reykjavík Nordica og eigum saman notalega jólastemmningarstund.
