Um Markaðsstofu höfuðborgarsvæðisins | Markaðsstofa höfuðborgarsvæðisins

Markaðsstofa höfuðborgarsvæðisins var stofnuð í apríl 2023 af Samtökum sveitarfélaga á höfuðborgarsvæðinu (SSH) og Ferðamálasamtökum höfuðborgarsvæðisins. Hlutverk hennar er að þróa og markaðssetja höfuðborgarsvæðið í heild. Áhersla er lögð á að efla atvinnustarfsemi og auka gjaldeyristekjur með sjálfbærni að leiðarljósi. Stofan vinnur undir merkjum Visit Reykjavík á erlendum mörkuðum

Helstu áherslur Markaðsstofu höfuðborgarsvæðisins eru að:

Efla vitund og þekkingu um áfangastaðinn og allt það sem svæðið hefur upp á að bjóða, jafnt fyrir ferðamenn og íbúa.
Þróa, móta og efla samstarf og samlegð um málefni ferðaþjónustunnar á höfuðborgarsvæðinu milli sveitarfélaga, atvinnulífs, ríkis og stoðkerfisins.
Efla samkeppnishæfni og slagkraft áfangastaðarins í alþjóðlegri samkeppni.
Stuðla að sátt íbúa, atvinnulífsins og sveitarfélaga um málefni ferðaþjónustunnar.
Styrkja stoðir og uppbyggingu ferðaþjónustunnar, bæta ímynd svæðisins og auka eftirspurn eftir hvers konar þjónustu og atvinnustarfsemi.
Annast markaðs- og kynningarstarf, áfangastaðaþróun og stuðla að fagmennsku.
Vera málsvari og samnefnari fyrir ferðaþjónustuna á höfuðborgarsvæðinu.