Inga Hlín Pálsdóttir, framkvæmdastjóri Markaðsstofu höfuðborgarsvæðisins og Haukur Harðarson, verkefnisstjóri hjá Hæfnisetri ferðaþjónustunnar skrifuðu undir samstarfslýsingu þann 10. apríl 2024. Markmið hennar er meðal annars að starfað verði á forsendum ferðaþjónustunnar til að efla hæfni og fagmennsku stjórnenda og starfsfólks og þannig stuðlað að auknum gæðum, jákvæðri ímynd og arðsemi greinarinnar.
Samstarfsyfirlýsingin er í takti við þau markmið sem allar Markaðsstofur landshlutanna hafa sett sér á síðustu árum. Eitt af fyrstu sameiginlegu verkefnunum í ár eru menntamorgnar ferðaþjónustunnar en sá fyrsti slíki var haldinn 10. apríl 2024 þar sem fjallað var um „Ráðningar og Z kynslóðina“ og sjónum beint að sumarstörfum.
