Markaðsstofa höfuðborgarsvæðisins heldur utan um vinnu við mótun stefnu um móttöku skemmtiferðaskipa í höfnum Reykjavíkur og Hafnarfjarðar.
Stefnuskjölunum er ætlað að skapa sameiginlega sýn hagaðila auk þess að nýtast sem grunnur við frekari skilgreiningu aðgerða og við álagsstýringu sem hefur áhrif á samfélag, náttúru, efnahag og nærumhverfi.
Verkefnin hafa beina vísun í aðgerð C.7 í ferðamálastefnu og aðgerðaráætlun stjórnvalda um að stofna skuli samstarfshópa sveitarfélaga og ferðaþjónustu í hverjum landshluta sem vinni greiningu og móti stefnu um umgjörð og komur skemmtiferðaskipa á sínum svæðum.
Stefna um þolmörk og móttöku skemmtiferðaskipa í Reykjavík var unnin á árinu 2024 og stefna um móttöku skemmtiferðaskipa í Hafnarfirði var unnin á árinu 2025.
